Partitë politike në Maqedoni, më pak apo më shumë, përdorin fenë në fushatë parazgjedhore. Kështu mendojnë 54,4% e të anketuarve në temën ”Religjioni në fushatë politike – Përdorimi i fesë në fushatë parazgjedhore”.

30,1% e të pyeturve mendojnë ndryshe, pra që feja nuk përdoret aspak, ose përdoret shumë pak në fushatë parazgjedhore. Anketa është realizuar në muajin e kaluar në nivel vendor.

6,9% e të pyeturve mendojnë se përdorimi i fesë dhe simboleve fetare ndikon në përcaktimin e votës. Po kaq mendojnë se ndikimi është deri diku, ndërkaq 7,8% mendojnë se ndikimi është tepër i vogël.

73,5% janë deklaruar se përdorimi i fesë dhe simboleve fetare nuk ndikon në përcaktimin e tyre në zgjedhje.

Sipas të pyeturve, feja është përdorur më pak nga LSDM-ja, pastaj OBRM-PDUKM-ja, PDSH-ja, BDI-ja, Aleanca për Shqiptarët, si edhe Besa.

69,8% e të pyeturve të krishterë, si edhe 77,7% e të pyeturve myslimanë mendojnë se përdorimi i fesë për fushatë zgjedhore paraqet keqpërdorim të saj dhe të ndjenjave të qytetarëve./Telegrafi/